Сиздерди 23-сентябрь Кыргыз Республикасынын Мамлекеттик тил күнү
менен терең урматтоо жана сыймык менен куттуктайм! Бул күн — биздин улуттук өзгөчөлүгүбүздү, руханий байлыгыбызды жана эгемендүүлүгүбүздүн символун тастыктаган өзгөчө майрам.
Кыргыз тили — ата-бабаларыбыздын мурасы, элибиздин жүрөгү жана мамлекеттүүлүгүбүздүн негизи. Эне тилин сактоо жана өнүктүрүү – ар бирибиздин ыйык милдетибиз. Ар бир сөзүбүздө, ар бир кадамыбызда кыргыз тилин урматтап, аны жаш муундардын жүрөгүнө сиңирүү аркылуу биз улутубуздун келечегин бекемдейбиз.
Кыргыз тилин өнүктүрүүгө жана даңазалоого өз салымын кошуп жаткан бардык мугалимдерге, илимпоздорго, чыгармачыл инсандарга жана мекенчил жарандарга чын дилимден ыраазычылык билдирем. Сиздердин эмгегиңиздердин аркасында эне тилибиз жогорку деңгээлде өнүгүп, урпактан урпакка өтүп жатат.
Эне тилибиз ар дайым сыймык менен айтылып, кыргыз элинин биримдигин, күчүн жана даңкын даңазалай берсин!
Урматтоо менен,
Кыргыз Республикасынын Билим жана илим кызматкерлеринин кесиптик бирлигинин Борбордук комитетинин төрагасы
Нурматов Рустам Асанович
