Астана шаарында Казакстан Республикасынын илим жана жогорку билим кызматкерлеринин кесиптик бирлигинин түзүлгөндүгүнүн 100 жылдыгына арналган салтанаттуу иш-чара өткөрүлдү.
Маараке «Жуун жылдык тажрыйба: тарыхтын мурасы — келечекке багыт» аттуу эл аралык илимий-практикалык конференция менен башталды. Бул конференция кесиптик бирлик кыймылынын юбилейине арналган. Анын ишине ар кандай өлкөлөрдөн келген делегациялар, эл аралык кесиптик бирикмелердин өкүлдөрү, билим берүү жаатындагы окумуштуулар жана эксперттер катышты.
Кыргызстанды иш-чарада Билим жана илим кызматкерлеринин кесиптик бирлигинин Борбордук комитетинин орун басары Айбек Кудайкулов жана КГУнун кесиптик бирлик комитетинин төрагасы Назар Догдурбек өкүлчүлүк кылышты.
Конференциянын алкагында эл аралык кызматташтыкты бекемдөө, кесиптик бирлик ишмердүүлүгүн өнүктүрүү, илим жана билим берүү кызматкерлеринин статусун жогорулатуу, ошондой эле кесиптик бирликтердин учурдагы социалдык-экономикалык шарттардагы ролу сыяктуу маселелер талкууланды.
